去峇里旅行大家一定都係諗潛水、浮潛，曬太陽嘅活動
但係其實峇里都有佢哋自己出產嘅咖啡㗎
峇里係印尼著名的旅遊勝地，而印尼係全球五大咖啡出產國之一。而峇里嘅咖啡，相信最多人聽過嘅就係貓屎咖啡啦
今次呢篇文章就係參加左當地一個咖啡tour，而呢一個tour只有貓屎咖啡。呢個tour係免費㗎。
一入到門口就會見到有一位穿着當地民族服裝嘅工作人員，而佢就係將會帶你參觀咖啡園嘅導遊，喺咖啡園入面種了好多咖啡樹。
再行入啲，我哋就會見到主角： 麝香貓
貓屎咖啡係早幾年嘅時候，喺香港係風靡一時。
有人話，麝香貓特別愛吃咖啡果實，由於咖啡豆不能完全消化，當佢哋排便嘅時候，就會連埋咖啡豆排出體外。當地人會將排泄物洗乾淨、曬乾再烘焙。而當地人亦都話由於麝香貓的胃內有種特別嘅酵素，會令到咖啡風味更加持久悠長。
所以當時香港賣一杯貓屎咖啡，價格差不多$200以上
係唔係真係咁好飲呢？！
無論好飲與否，最值得令我哋人類反思嘅係，當呢一款咖啡風靡一時，人類就會對佢哋做出更殘忍嘅虐待
你會見到一隻隻可憐嘅麝香貓被困一個細小嘅竉入面，只有很少的活動空間。原本住喺山林上面嘅麝香貓，因為人類要用另類賺錢嘅方法，就要被困一個細小狹窄嘅籠裏面。小編曾經睇過一啲被虐待嘅麝香貓照片，人類將佢哋個口打開強迫佢哋食好多咖啡果實。有些麝香貓抵受不住就哽死了。相當殘忍
不過，我只係想同大家講，世界上有好多好出色嘅咖啡。我哋唔應該殘害動物，而去品嚐呢一杯咖啡。
愛咖啡更加需要愛護動物
沒有留言:
張貼留言